2011 අප්‍රේල් මස දාහතර වෙනිදා ලෑබු සිංහල දෙමළ අළුත් අවුරුද්දෙන් පසු අළුත් පාසල් වාරය අප්‍රේල් මස විසි පස්වෙනිදා (අද) ට යෙදුනි. උදේ පාන්දරින් පාසලට පැමිණි දරු දැරියන් සතුටු සිනා මැද අළුත් හැඟිම් පෙර දැරිව තම ගුරු මෑණිවරුන් පියවරුන් නැමද ,අළුත් ගමනක් යාමට බලාපොරොත්තුවෙන් දෑස් දල්වා උදෑසන රැස්වීමේ දී විදුහල්පතිතුමාගේ පිළිගැනීමේ කථාව ට සවන් යොමු කලහ. ඒ මොහොතේ දරුවන්ගේ මුහුණින් සහ ගතින් ප්‍රබෝධමත් බවක් පෙනෙන්ට තිබුණත් පිරුවතින් දුබලව සිටිබව ගුරු මෑණිවරුන් හා පියවරුන්ට පෙණුනහ.පසු ගිය වසරේ සිට පැළදි සුදුපිළිවට දුර්වර්ණව හා මිරිවැඩිසඟල් අබලන්ව ගියෙන් අවුරුද්දේ නැවුම් බව කොහා විසින් පැහැරගෙන ගිය දැයි හැඟුණි.

මෙම සතිය තුළ 2010 අ.පො.ස. සාමාන්‍ය පෙළ උත්තර පත්‍ර ඇගයීමේ කටයුතු සිදුවන බැවින් පාසලේ ගුරුභවතුන්ගේ හිගයක් පැවතුනත් සිසුන්ගේ පැමිණීම ඉතා යහපතය.
මේ වන විට ප්‍රාථමික අංශයේ පළමු ශ්‍රේණියේ දරුවන් හදුනා ගැනීමේ ක්‍රියාකාරකම් සිදුකරමින් පවතී.
දෙමාපියන් ගේ ශ්‍රමදායකත්වයෙන් අද දින පංති කාමර අලංකාර කිරීමට නියමිතය.

විදුහල්පති තුමාගේ මූලිකත්වයෙන් පළමු ශ්‍රේණියේ දෙමාපිය හමුවක් විද්‍යාලීය ප්‍රධාන ශාලාවේ දී ප.ව.2.30 ට පැවැත්වේ. එහි දී පළමු ශ්‍රේණියේ දරුවන් පිළිගැනීමේ උත්සවය සැලසුම්කර ගැනීමට නියමිතව ඇත.
තවද පාසලේ අභිවෘදිය සඳහා හෙට දිනයේ දී ආදී ශිෂ්‍ය සංගමයේ රැස්වීමක් පැවත්වීමට ද නියමිතව ඇත.

සුබ නව වසරක් වේවා!

අළුත් අවුරුද්ද සඳහා පළමු පාසල් වාරය 2011 ජනවාරි 03 වන දින නව සිතුම් පැතුම් පෙර දැරිකොට ගෙන ආරම්භ කරන්නට යෙදුණි.
නමුත් එදින මුලින්ම පාසල් රැස්වීමේ දී ප්‍රකාශයට පත්වූයේ අතිශයින්ම කණගාටු දායක සිදුවීමකි.එනම් පසු ගිය නිවාඩු කාලයේ දී අප විදුහලේ 4 වන ශ්‍රේණියේ ඉගෙනුම ලැබූ දරුවෙක් හදිසි අනතුරකින් මිය ගිය බවය.මේ වෙනුවෙන් පාසලේ සැවොම විනාඩි දෙකක නිහඩතාවයකින් දරුවාට නිවන්සුව ප්‍රාර්ථනා කළහ.
ඉන් අනතුරුව විදුහල්පති තුමාගේ මූලිකත්වයෙන් පාසලේ වැඩකටයුතු සුපුරුදු ආකාරයට කරගෙන යන ලදී.